Message from Our Lord Bishop of Udupi Most Rev. Gerald Isaac Lobo

“ಜರ್ ಸರ್ವೆಸ್ಪರ್ ಘರ್ ಬಾಂಧಿನಾ, ತರ್ ಬಾಂಧ್ಪ್ಯಾಂಚೊ ವಾವ್ರ್ ವ್ಯರ್ಥ್; ಜರ್ ಸರ್ವೆಸ್ಪರ್ ಶಹರ್ ರಾಕನಾ, ಪಹರೆಕಾರಾಂಚೊ ಪಹರೊ ವ್ಯರ್ಥ್” (ಕೀರ್ತನ್ 127:1). ಕೀರ್ತನ್‍ಕಾರಾಚಿಂ ಹಿಂ ಉತ್ರಾಂ ಆಮ್ಚ್ಯಾ ದಿಸ್ಪಡ್ತ್ಯಾ ಜಿವಿತಾಂತ್ ಖರೆಂಚ್ ಸತ್ ಜಾಲ್ಯಾಂತ್. ದೆವಾಚ್ಯೆ ಮಜತೆನ್ ಬಾಂಧ್‍ಲ್ಲೆಂ ಬಾಂಧಪ್, ಅರಂಭ್ ಕೆಲ್ಲೆಂ ಯೋಜನ್, ಯೆವ್ಜಿಲ್ಲೆಂ ಕಾರ್ಯೆಂ ಯಶಸ್ವಿ ರಿತಿರ್ ಪೆÇಂತಾಕ್ ಪಾವ್ತಾ ಆನಿ ಯಥೇಷ್ಟ್ ಫಳ್ ದಿತಾ. ದೆಕುನ್ ಖಂಚೊಯ್ ವಾವ್ರ್ ಅರಂಭ್ ಕರ್ಚ್ಯೆಫುಡೆಂ ದೆವಾಚೊ ಉಡಾಸ್ ಕಾಡ್ನ್ ಅರಂಭ್ ಕರ್ಚೊ ಲಗ್ಬಗ್ ಏಕ್ ಸಾರ್ವತ್ರಿಕ್ ಸವಯ್ ಮ್ಹಳ್ಳೆಬರಿ ಆಸಾ.

ಸತ್ತಾವೀಸ್ ವರ್ಸಾಂ ಆದಿಂ, 1996 ವೆರ್ ವಾಮಂಜೂರ್‍ಚ್ಯಾ ಪಿಂಟೊ ಭಾವಾಂನಿ ಬೋವ್ ಲ್ಹಾನ್ಶೆ ಆನಿ ಸೊಂಪೆ ರಿತಿರ್ ಅರಂಬ್ ಕೆಲ್ಲೆಂ ಗ್ರೊಟ್ಟೊ ಬಾಂಧ್ಚೊ ವಾವ್ರ್ ಆಜ್ ಇತ್ಲೊ ವಿಸ್ತಾರ್ ಜಾವ್ನ್ ವಾಡ್ಲಾ ತರ್, ಹೆಂ ಫಕತ್ ದೆವಾಚ್ಯಾ ಆಶೀರ್ವಾದಾಂನಿ ಮಾತ್ರ್ ಸಾಧ್ಯ್. ವಾಲ್ಟರ್ ಕೊಪೆರ್Çೀರೇಶನ್ ನಾಂವಾನ್ ಅರಂಭ್ ಕೆಲ್ಲೆಂ ಬಾಂಧ್ಪಾಚೆಂ ಕಾಮ್ ಸತ್ತಾವೀಸ್ ವರ್ಸಾಂ ಉಪ್ರಾಂತ್‍ಯಿ ಬಳಿಷ್ಠ್ ಜಾವ್ನ್ ಮುಕಾರ್ ಸರುನ್ ಆಸಾ ಆನಿ ಹಜಾರೊಂ ಲೊಕಾಚ್ಯಾ ಆನಿ ಸಂಸ್ಥ್ಯಾಂಚ್ಯಾ ಹೊಗ್ಳಿಕೆಕ್ ಪಾತ್ರ್ ಜಾಲ್ಲೆಂ ನಿಜಾಕೀ ವ್ಹರ್ತೆಂ ಸಾಧನ್.
ಸುರ್ವೆರ್ ಲೂರ್ದ್ ಸಾಯ್ಬಿಣಿಚೊ ಗ್ರೊಟ್ಟೊ ಬಾಂಧುಂಕ್ ಅರಂಭ್ ಕರುನ್, ‘ಗ್ರೊಟ್ಟೊ ಬಾಂಧ್ಪಿ ವಾಲ್ಟಿ’ ಮ್ಹಣ್ ನಾಂವಾಡ್ದಿಕ್ ಜಾಲ್ಲೊ ಪಿಂಟೊ ಭಾವಾಂಪಯ್ಕಿ ಎಕ್ಲೊ ವೊಲ್ಟರ್ ಆಪೆÇ್ಲ ವಾವ್ರ್, ಸೃಜನ್‍ಶೀಳತಾ ಆನಿ ಭಕ್ತ್ ಫಕತ್ ಗ್ರೊಟ್ಟ್ಯಾಕ್ ಮಾತ್ರ್ ಸೀಮಿತ್ ಕರಿನಾಸ್ತಾಂ ಹೆರ್ ಭಕ್ತಿಕ್ ಬಾಂಧ್ಪಾಂಕುಶಿನ್‍ಯಿ ಘುಂವ್ಡಾಯ್ಲಿ. ಪಾಟ್ಲ್ಯಾ ಸತ್ತಾವೀಸ್ ವರ್ಸಾಂನಿ ಆಖ್ಖ್ಯಾ ಭಾರತಾಂತ್ ಲಗ್ಬಗ್ ಏಕ್ ಹಜಾರ್ ಆಟ್ಶಿಂ ವೆವೆಗ್ಳಿಂ ಭಕ್ತಿಕ್ ಬಾಂಧ್ಪಾಂ ತಾಣಿ ಉಭಿಂ ಕೆಲ್ಯಾಂತ್. ತಾಂತುಂ ಲೂರ್ದ್ ಸಾಯ್ಬಿಣಿಚೊ ಗ್ರೊಟ್ಟೊ, ಶ್ರಾಯ್ನಾಂ, ಆಲ್ತಾರಿ, ಸ್ಯಾಂಕ್ಚುವರಿ, ರೋಜರಿ ಪಾರ್ಕ್ ಆನಿ ಖುರ್ಸಾ ವಾಟೆಚಿಂ ಸ್ತೆಸಾಂವಾಂಯ್ ಆಟಾಪ್ಲ್ಯಾಂತ್. ವಾವ್ರಾಂತ್ ಎಕೀನ್‍ಪಣ್ ಆನಿ ಸಮರ್ಪಣ್, ಭಕ್ತಿಕ್ ವಾತಾವರಣಾಕ್ ಜೊಕ್ತಿ ಚಾಲ್ ತಾಂಚ್ಯಾ ವಾವ್ರಾಥಂಯ್ ಆಸುನ್, ಬಾಂಧ್‍ಲ್ಲ್ಯಾ ಬಾಂಧ್ಪಾಂತ್ ಪವಿತ್ರ್‍ಪಣ್ ಉಟೊನ್ ದಿಸಂವ್ಚಿ ಕಲಾ ತಾಂಚೆಲಾಗಿಂ ಆಸಾ. ಹಿಚ್ಚ್ ತಾಂಚಿ ವಿಶೇಷತಾ ಮ್ಹಣ್ಯೆತ್.

ಅಸಲಿಂ ಭಕ್ತಿಕ್ ಬಾಂಧ್ಪಾಂ ಚಡಾವತ್ ಖಂಚ್ಯಾಯ್ ದಿಸಾಕ್ ಉಗ್ತಾವಣಾಕ್ ತಯಾರ್ ಆಸಜೆ ಜಾಲ್ಲ್ಯಾನ್, ಜೊಕ್ತ್ಯಾ ವೆಳಾರ್ ಬಾಂಧಪ್ ಸಂಪವ್ನ್, ಹಾತಾಂತರ್ ಕರ್ಚೆಂಯ್ ವಾಲ್ಟರ್ ಕೊಪೆರ್Çೀರೇಶನಾಕ್ ಸವಯೆಚೆಂ ಜಾಲಾಂ. ಹ್ಯಾಚ್ ಸಮರ್ಪಿತ್ ಮನೋಭಾವಾಖಾತಿರ್, ಆಖ್ಖ್ಯಾ ಭಾರತಾಥಾವ್ನ್ ಅಸಲ್ಯಾ ಬಾಂಧ್ಪಾಚ್ಯಾ ವಾವ್ರಾಕ್ ತಾಂಕಾಂ ಆಪವ್ಣೆಂ ಯೆತಾತ್ ಆನಿ ಆಪ್ಣೆಂ ಸೆವಾ ದಿಲ್ಲೆಥಾವ್ನ್ ಹೊ ಸಂಸ್ಥೊ ಹೊಗ್ಳಿಕ್ ಆನಿ ಅಭಿಮಾನ್ ಜೊಡ್ನ್ ಘೆತಾ.

ಭಕ್ತಿಕ್ ಬಾಂಧ್ಪಾಂ ಫಕತ್ ಫಾತ್ರಾ-ಶಿಮೆಟಿಚಿಂ ನ್ಹಯ್, ದೆವಾಚೆಂ ಆಸ್ತಿತ್ವ್ ಥಂಯ್ಸರ್ ಆಸ್ತಾ, ಆಂಕ್ವಾರ್ ಮಾಯೆಚಿ, ಸಾಂತಾಂ-ಸಾಂತಿಣೆಂಚಿ ಮಜತ್‍ಯಿ ಆಸ್ತಾ. ತ್ಯಾ ಬಾಂಧ್ಪಾಂನಿ ಲೊಕಾಚೊ ಭಾವಾರ್ಥ್ ರುತಾ ಜಾತಾ, ವಾಡ್ತಾ ಆನಿ ಬಳಿಷ್ಠ್ ಜಾತಾ. ಅಶೆಂ ಹಿಂ ಬಾಂಧ್ಪಾ ಬಾಂಧ್ತಾನಾ, ಲೊಕಾಚೊ ಭಾವಾರ್ಥ್‍ಯಿ ಬಾಂಧ್ಚೊ ವಾವ್ರ್ ಚಲ್ತಾ ಮ್ಹಳ್ಯಾರ್ ಚೂಕ್ ಜಾಂವ್ಚಿ ನಾ. ಪಾಟ್ಲ್ಯಾ ಸತ್ತಾವೀಸ್ ವರ್ಸಾಂಥಾವ್ನ್ ಆಪ್ಲ್ಯೆ ಸೆವೆದ್ವಾರಿಂ ಲೊಕಾಚೊ ಭಾವಾರ್ಥ್ ಬಾಂಧುನ್ ಹಾಡ್ಚೊ ವಾವ್ರ್ ಚಲಂವ್ಚ್ಯಾ ವಾಲ್ಟರ್ ಕೊಪೆರ್Çೀರೇಶನಚೊ ಮ್ಹಾಲಕ್ ವೊಲ್ಟರ್ ಪಿಂಟೊ ಆನಿ ಸರ್ವ್ ತಾಚ್ಯೆ ಶಿಬಂದೆಕ್ ಕಾಳ್ಜಾಥಾವ್ನ್ ಉಲ್ಲಾಸ್ ಪಾಟಯ್ತಾಂ ಆನಿ ದೇವ್ ಬರೆಂ ಕರುಂ ಮ್ಹಣ್ತಾಂ. ಉಡುಪಿ ದಿಯೆಸೆಜಿಂತ್‍ಯಿ ತಾಣೆ ಸಬಾರ್ ಯೋಜನಾಂ ಸಂಪೂರ್ಣ್ ಕೆಲ್ಯಾಂತ್. ಉಡುಪಿ ದುಖಿ ಸಾಯ್ಬಿಣಿಚ್ಯೆ ಇಗರ್ಜೆ ವಠಾರಾಂತ್ ತಾಣೆ ನಿರ್ಮಾಣ್ ಕೆಲ್ಲೊ ‘ಲೂರ್ದ್ ಸಾಯ್ಬಿಣಿಚೊ ಸೊಭಿತ್ತ್ ಗ್ರೊಟ್ಟೊ’ ಉಡುಪಿ ಬಿಸ್ಪಾಚ್ಯಾ ನಿವಾಸಾಥಾವ್ನ್ ಸಾರ್ಕೊ ದಿಷ್ಟಿಕ್ ಪಡ್ತಾ. ಅಶೆಂ ವಾಲ್ಟರ್ ಕೊಪೆರ್Çೀರೇಶನಾಚೊ ವಾವ್ರ್ ಆನಿ ಸೆವಾ ಸದಾಂಚ್ ಆಮ್ಚ್ಯಾ ದೊಳ್ಯಾಂಹುಜಿರ್ ಆನಿ ಕಾಳ್ಜಾಂ-ಮನಾಂತ್ ಉರ್ತಾ.

ಆಪೆÇ್ಲ ಸತ್ತಾವೀಸ್ ವರ್ಸಾಂಚೊ ವಾವ್ರ್ ಆನಿ ಸೆವಾ ಸಂಭ್ರಮುಂಕ್ ಏಕ್ ಸ್ಮರಣ್ ಅಂಕೊ ಪರ್ಗಟ್ ಕರುಂಕ್ ವಾಲ್ಟರ್ ಕೊಪೆರ್Çೀರೇಶನಾನ್ ಯೋಜನ್ ಘಾಲಾಂ ಆಸ್ತಾಂ, ತೊ ಸ್ಮರಣ್ ಅಂಕೊ ಸರ್ವಾಂಕ್ ಪ್ರೇರಿತ್ ಕರ್ಚೆಂ ಆನಿ ಮನಾಂ ಆಕರ್ಶಿತ್ ಕರ್ಚೆಂ ಏಕ್ ಅಮರ್ ಭಂಡಾರ್ ಜಾಂವ್ದಿ ಮ್ಹಣ್ ಆಶೆತಾಂ. ಹ್ಯಾ ಸರ್ವ್ ಬರೆಪಣಾಕ್ ಕಾರಣ್ ಜಾವ್ನಾಸ್ಚ್ಯಾ ವಾಲ್ಟರ್ ಕೊಪೆರ್Çೀರೇಶನಾಚ್ಯಾ ಸರ್ವಾಂಚೊ ಆಭಾರ್ ಮಾನ್ತಾಂ.

ಜೆರಾಲ್ಡ್ ಲೋಬೊ
ಉಡುಪಿಚೊ ಧರ್ಮಾಧ್ಯಕ್ಷ್